අම්මටයි..අප්පච්චිටයි!

     මිදුලේ වැලි මලිගාවෙ 

     සක්විති පදවිය ලබන්න​

     ගල් වැට ළඟ වාඩිවෙලා 

     සඳ පායන හැටි බලන්න​

     නැළැවිලි ස්වරයෙන් අම්මා සිත්තම් කල​

     හීනය නොවෙදෝ මල් ඵල ගැනුනේ

     ලෝකය දකින්න එහි සැරි සරන්න​

     අප්පච්චී නුඹ දුන්නු පියපත්

     නිදහස හා නොසැලෙන වීරිය​

     නොවෙදෝ අද මේ වැජඹෙන්නේ

                                                                                                මං හන්දා හෙළු දහදිය බිඳුවල​

                                                                                                මට හැන්ගූ දුක් කඳුලු බිංදු වල​

                                                                                                උතුරා ගැලු, මට දුන් ඒ සෙනෙහෙට​

                                                                                                අම්මේ, අප්පච්චී නුඹටයි මේ ජය​